කැසිනෝ කාරයින්ගේ, ජාවාරම් කාරයින්ගේ සල්ලිවලින් ඉස්කෝලවලට මම බඩු බෙදන්න යන්නේ නැහැ…දැක්මක් නැති තකතීරුවෙක් ජනාධිපති කරන්න එපා – ෆොන්සේකා සජිත්ව ඉවරම කරයි (වීඩියෝ)

Source: Lanka Leader

විපක්ෂ නායක හා සමගි ජන බලවේග නායක සජිත් ප්‍රේමදාස මහතා ඉලක්ක කරමින් එම පක්ෂයේ පාර්ලිමේන්තු මන්ත්‍රී සරත් ෆොන්සේකා මහතා විසින් පාර්ලිමේන්තුවේ දැඩි ප්‍රහාරයක් එල්ල කළ අතර, පාර්ලිමේන්තුවේ ඇමතීම සඳහා කාලය වෙන් කර ගැනීම මුල් කරගෙන ඇති වූ ගැටලුවක් මත ඔහු මෙම අදහස් පළ කරන ලද්දේ පාර්ලිමේන්තුවේ ආණ්ඩු පක්ෂයෙන් වෙලාව වෙන් කරගෙනය.

එහිදී ඔහු සජිත් ප්‍රේමදාස මහතා ඉලක්ක කර දැඩි චෝදනා එල්ල කළ අතර විපක්ෂයේ ප්‍රධාන සංවිධායක ලක්ෂ්මන් කිරිඇල්ල මහතාටද නම් නොකියා චෝදනා එල්ල කලේය.

තාත්තා ජනාධිපති වූ පලියට පුතා වැනි අයෙකු ට කිසි දවසක මෙරට නායකත්වයට පත් නොකළ යුතු බව ජනතාව තේරුම්ගත යුතු බවද හෙතෙම කියා සිටියේය.

ඔහු වැනි තකතිරුවෙකු රාජ්‍ය නායකත්වයට පත් කර රට කිසිදා මේ අපායෙන් ගොඩගත නොහැකි බවත්, තමන් කැසිනෝ කාරයන්ගෙන් ජාවාරම් කාරයන්ගෙන් මුදල් ගෙන පාසල් සහ රෝහල්වලට බඩු බෙද බෙදා නොයන බවත් පැවසූ ඔහු මධ්‍යම අධිවේගී මාර්ගයෙන් ගසාකා නැති බවත් කියා සිටියේය.

අද එම මධ්‍යම අධිවේගේ පාරේ කොටස් ගැලවී බිම ඇද වැටෙන බවද ඔහු තවදුරටත් කියා සිටියේය.

කෙසේ වෙතත් සමගි ජන බලවේග පාර්ශවයෙන් එම ප්‍රකාශයන් සඳහා ලක්ෂ්මන් කිරිඇල්ල සහ මුජිබර් රහුමන් යන මන්ත්‍රීවරුන් ප්‍රතිචාර දැක්වූහ.

ඔවුන් කියා සිටියේ ෆොන්සේකා මහතා ජනාධිපති අපේක්ෂකත්වය ඉල්ලා එය නොලැබුන හේතුවෙන් පක්ෂයට මෙසේ චෝදනා  එල්ල  කරන  බවයි.